Во Пелагонија проект за изградба на регионална депонија „Мегленци“
Стручни лица од Геолошки Институт-Штип почнаа геолошките испитувања кои ќе бидат користени во изработката на физибилити студија и проект за изградба на современа регионална депонија во непосредна близина на сегашната отворена и дива депонија „Мегленци“ што се наоѓа кај истоименото пелагониско село.
Од општина Новаци информираат дека локацијата е избрана по претходно реализиран конкурс и e одобрена од Министерството за животна средина кое го координира проектот што ќе се реализира со средства од ИПА програмата.
- Во конкурсната постапка беа посочени 12 локации, но сепак предност доби предлогот новата современа регионална депонија да се гради во непосредна близина на сегашната дива депонија „Мегленци“ која ќе биде затворена со што ќе заврши нејзината несоодветна работа и ќе има нова депонија со високи стандарди. Тоа значи дека новата депонија нема да ја загадува животната средина, ќе биде современ објект со поголем број вработени лица, рече Лазар Котевски, градоначалник на општина Новаци.
Според динамиката на активности, во овој период освен истражувања и испитувања на планираниот терен, се врши и подготовка на физибилити студија со која ќе биде опфатено селектирањето на сметот во деветте општини, изградба на претоварни станици, примена на европски еколошки стандарди и можностите за производство на биогас, електрична енергија и компостирано ѓубре.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.