Во Општина Лозово до 9 часот излезеноста е 11,5, а во Општина Чашка 9 отсто

Во вториот круг од локалните избори 2021, во Општина Лозово од вкупно 1.974 гласачи на 9 избирачки места до 9 часот на гласање излегле 221 гласач или 11,5 проценти од гласачите запишани во Единствениот избирачки список, информра Ванчо Пешевски, претседател на ОИК Лозово.

Тој инфрмира дека гласањето се одвива во фер и демократска атмосфера.  

-Во Општина Чашка од вкупно 6171 избирачи во Единствениот избрачки список на 30 избирачки места во општината излезеноста на гласачите до 9 часот е 9 проценти или 557 гласачи, информира за МИА Јованче Николовски, претседател на ОИК Чашка.

Тој информира дека досега изборите се одвиваат во фер и демократска атмосфера без никакви инциденти.