Македонија
21. February 2020 - 14:03

Во Општина Карпош се санираат ударни дупки

Општина Карпош информира дека денеска се реконструирани повеќе ударни дупки долж улицата „Козле“ 10. Со санацијата се опфатени 300 квадратни метри.

– Службите и механизацијата кои ги ангажираше локалната самоуправа ќе продолжат со работа и санација на ударни дупки во Нерези, а веќе е саниран и дел од улиците во Злокуќани. Се работи на поголеми инфраструктурни зафати во Бардовци, каде во тек е реконструкција на крак од улицата „18“, а целосно е завршена обновата на крак од улицата „4“, се вели во соопштението од Општина Карпош.

За оваа година, одвоени се десет милиони денари буџетски средства за реконструкција на локалните улици во Општина Карпош.