Македонија
30. November 2020 - 20:18

Во Охрид мајка позитивна на КОВИД-19 бара да си го погреба синот кој починал од вирусот

„Синко, имаш ли ти дечиња? Ако имаш,тогаш знаеш како крвари душата на една мајка која го изгубила најсветото нешто - својот син. Те молам,помогни ми, однеси ме да го испратам до неговото вечно почивалиште, дозволи ми синко да го поздравам за последен пат”- ова се зборовите на мајка од Охрид која заедно со синот се лекувала од коронавирус кои му ги упатила на директорот на Општа болница Охрид, Горан Балев, пишува Алфа.

Додека таа успешно се опоравувала, нејзиниот син починал.

„Свесен сум  за строгите протоколи и одговорноста која ја носам, но и помогнав на мајката да стане од кревет, ја облеков во скафандер и ја однесов за да се збогува со синот за потоа повторно да ја вратам во болница“, вели доктор Балев.

Тој кажа дека се поголем бројот на млади пациенти кои со тешка клиничка слика се хоспитализираат во болницата.