Во Њујорк само вакцинираните граѓани ќе можат да ја прослават Новата година на „Тајмс Сквер“
Њујорк ќе им дозволи на граѓаните да се соберат на „Тајмс Сквер“ за дочекот на Новата 2022 година, најави градоначалникот Бил де Блазио, откако минатогодишниот пречек беше скромен поради пандемијата.
Стотици илјади луѓе ќе можат да присуствуваат на традиционалното спуштање на светлата топка доколку докажат дека се целосно вакцинирани против коронавирусот, изјави Де Блазио за новинарите.
Луѓето кои не можат да се вакцинираат од медицински причини ќе мора да покажат негативен тест за Ковид-19 не постар од 72 часа пред настанот, објавија тамошните медиуми.
„Сакаме да бидеме одлични, да бидеме полни со живот, сакаме тоа да биде голема прослава на Новата година“, изјави Де Блазио.
„Тајмс Сквер“ беше речиси празен на почетокот на 2021 година, а само работниците од основните служби и поканетите гости можеа да го следат спуштањето на топката, притоа почитувајќи ја физичката дистанца.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари