Во Неготино одбележана Неделата на грижа за стари лица
Поставување пункт за мерење шеќер во крвта и крвен притисок во село Долни Дисан, како и посети, здравствени прегледи и достава на храна и облека, беа само дел од активносите со кои Општинската организација на Црвениот крст – Неготино ја одбележа минатата Недела на грижа за стари лица.
Мотото беше „Сите сме нивни деца”.
-Неделата се заокружи со заедничка дружба на волонтерите и членови од Клубот на млади и Клубот на пензионери „Анри Динан” при Општинската организација на Црвениот крст. Заедничката средба беше од рекреативен карактер. Волонтерите се дружеа преку спортски активности, со играње на шах, табла, домино и пикадо. Учествуваа и ученици од училишниот клуб на Црвениот крст при ООУ „Гоце Делчев”– Неготино, со читање литературни творби, рече секретарот на Општинската организација на Црвениот крст, Тошко Настов.
Но, со ова, нагласи, не завршуваат активностите на Црвениот крст со старите лица.
– Интенцијата е да продолжат редовните посети во домовите за стари лица и пензионерски домови, со организирање соодветни активности со учество на младите на Црвениот крст, како и вклученост на волонтерите од трето доба, истакна Настов.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација