Во Москва приведени двајца поранешни соработници на Навални
Московската полицијата вчера уапси двајца поранешни членови на тимот на опозициски политичар Алексеј Навални и и го продолжи куќниот притвор на неговата портпаролка. Навални се наоѓа во притвор од јануари 2021 година, кога се врати во Русија по неколкуте месеци минати на лекување во Германија заради труењето со нервнот агенс „Новичок“ во август 2020 година, за кое самиот тврдеше дека го извршиле оперативци на Федералната служба за безбедност (ФСБ) по наредба на рускиот претседател Владимир Путин.
Кремљ негираше каква било поврзаност со труењето на Навални. По неговото затворање, Кремљ ја засили кампањата против Навални и неговите соработници, од кои многумина побегнаа од Русија во страв од апсење.
Адвокатот Александар Саламов вчера изјави дека Андреј Ахмедулов и Софија Капиносова се приведени во акција што може да биде поврзана со истрагата против Навални.
Рускиот суд, истовремено, вчера на портпаролката на Навални, Кири Јармиш, и го продолжи домашниот притвор, додека го чека судењето во јануари следната година, соопшти нејзиниот адвокат и колегите.
Јармиш се наоѓа во домашен притвор од февруари откако беше обвинета за кршење на безбедносните правила за сузбивање на Ковид-19 за, како што властите го нарекоа, неовластен протест за поддршка на Навални, додека таа тврди дека обвинението е политички мотивирано.
Навални во моментов се наоѓа на издржување затворска казна под обвинение за проневера, за која рече дека е измислена поради неговата политичка активност.
Ново на Сител
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет