Во Молдавија уапсени судии кои учествувале во шема за перење пари на руски фирми
Во Молдавија се издадени налози за апсење на 20 судии и судски службеници, кои според обвинителството им помагале на руски компании да исперат големи суми пари, соопштија на прес-конференција раководителот на Одделот во Обвинителството задолжен за корупција Виорел Морар и портпаролот на Националниот антикорупциски центар Богдан Зимбрјану, јави ТАСС.
- Станува за околу 20 милијарди долари, кои незаконски излегле од Русија преку молдавската „Молдиндконбанк“, рече Морар.
Тој додаде дека во вчерашната операција на специјалните сили биле задржани 15 судии, тројца судски службеници, а по уште две лица се трага.
Во кругот на осомничени се и раководители на Националната банка на Молдавија и на „Молдиндконбанк“.
Според Обвинителството, криминалните активности се вршеле со тоа што офшор компании меѓу себе склучувале фиктивни договори за кредитирање, чиј гарант бил државјанин на Молдавија. Како негов нарачател се јавува руска фирма, која потоа го затвора кредитот по одлука на молдавски суд.
Доколку бидат прогласени за виновни осомничените можат да добијат затвор од пет до десет години.
Ново на Сител
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен
-
Почина Велибор Џаровски - Џаро