Во Мексико бројот на смртни случаи од Ковид-19 надмина 40 000
Бројот на смртни случаи во Мексико, како последица од новиот коронавирус, надмина 40.000 лица, изјави на прес-конференција главниот епидемиолог во земјата Хосе Луис Аломија.
Мексиканското Министерство за здравство соопшти дека за едно деноноќие се потврдени 6.859 новозаразени и 915 починати од Ковид-19. Со тоа внупниот број во државата изнесува 356.255 инфицирани и 40.400 смртни случаи.
Полицијата во Боливија во последните пет дена открила над 400 безживотни тела низ улиците и во домови. Од нив, 85 отсто биле заразени со коронавирус. Според официјалните податоци, од почетокот на епидемијата досега во Боливија починале над 2.200 луѓе.
Во Колумбија бројот на жртви од Ковид-19 е повеќе од 7.000, откако во последните 24 часа починале 237 лица. Вкупниот број на заразени во земјата изнесува 211.038. Престолнината Богота и вториог град по големина во земјата, Меделин, се под целосен карантин, со цел да се спречи ширењето на коронавирусот и да се избегне колапс на здравствениот систем.
Во Бразил во последното деноноќие се регистрирани 41.008 заразени и 1.367 смртни случаи. Од почетокот на пандемијата на Ковид-19 во земјата има околу 2,2 милиона заболени лица и 81.487 починати.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри