Во Малезија уапсен маж осомничен за врска со убиството на полубратот на Ким Џонг-ун
Малезиската полиција привела маж, осомничен за врски со една од осомничените жени-убијци на Ким Џонг-нам, доведениот или полубратот на лидерот на Северна Кореја, Ким Џонг-ун.
Приведениот е државјанин на Малезија, соопшти „Ченел њуз Ејша“, цитиран од ДПА.
Според податоците на малезиските власти, тој е непосредно поврзан со една од двете жени, претходно уапсени за убиството.
Полицијата вчера информира дека привела жена со виетнамски документи и дека трага и по други странци.
Денеска е приведена и втората жена со индонезиски пасош, на име на Сити Ајшах. Таа била распозната од видео набљудувањето на аеродромот, каде беше убиен Ким Џонг-нам, а била сама во моментот на апсењето.
Се уште нема официјална верзија како точно жртвата била отруена. Според некои тврдења, Ким Џонг-нам се почувствувал лошо и од полицијата побарал помош, раскажувајќи дека некој човек го плиснал со течност по лицето. Според друга верзија, непозната жена до лицето му доближила некаква крпа, натопена со отров.
Јужнокорејските медиуми јавуваат дека нападот бил изведен со отровна игла, потсетува ТАСС.
Ново на Сител
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж
-
Мачка се држи за рачка на врата од автомобил во поплавите во Дубаи | ВИДЕО