Во Македонија утринските температури под нулата
Утринските температури во целата држава се под нулата. Најстудено е во Битола каде во седум часот се измерени -18 степени, а најтопло е во Маврово -1 степен.
Тетово е вториот град во кој утринава е најстудено и таму се измерени -13 степени, додека во Петровец кај Скопје и во Берово утринската температура е -12 степени. Во Прилеп и во Струмица се измерени -11 степени, во Штип, Демир Капија и Куманово -10, во Скопје на Зајчев Рид -8, во Крива Паланка и Дебар -7, во Лазарополе -5, во Охрид, Претор и Виница -4, во Гевгелија -3 и во Дојран -2 степени.
Утринава е значително облачно и студено, а на планините е потопло. Во Полог има појава на магла. За денеска, Управата за хидрометеоролошки работи најавува претежно облачно време со магла по котлините. Во југозападните делови ќе има слаб локален дожд, а во Пелагонија ќе има услови за замрзнат дожд. Ќе дува слаб јужен ветер. Максималната температура ќе се движи во интервал од -2 до 10 степени.
Во Скопје ќе биде претежно облачно со слаб јужен ветер и температура до три степени.
Утре ќе биде променливо облачно со повеќе сончеви периоди, а во следните денови ќе преовладува облачно време со слаби локални врнежи од дожд, а на планините врнежите ќе бидат од снег. По одделни котлини ќе има појава на магла.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп