Во Куманово одбележани 144 години од раѓањето на Гоце Делчев
Во гимназијата „Гоце Делчев“ денеска беа одбележани 144 години од раѓањето на македонскиот револуционер, хуманист и визионер Гоце Делчев.
Повеќе делегации, од училиштето, Советот на општина Куманово, политички партии и граѓански организации положија цвеќе пред бистата на великанот во дворот на кумановската гимназија.
Директорот на гимназијата Горан Димитријевиќ истакна дека гимназијата 71 година достојно го носи името на Гоце Делчев и додаде оти неговиот лик и дело се патоказ за сегашните и идните генерации.
- Ликот на Гоце Делчев и неговото дело секогаш биле и ќе бидат пример за сите генерации Македонци. Нам ни преостанува со нашите постапки да ја заслужиме достојноста за да се наречеме негови следбеници, истакнаа учениците на денешното одбележување на 144-годишнината од раѓањето на Делчев.
Средношколците прочитаа дел од биографијата на револуционерот и поезија во чест на македонскиот визионер.
Ново на Сител
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје
-
19-годишник повреден на работно место
-
Локализиран пожар во туристичката населба Абланица во Берово
-
Палестинската управа формира нова влада
-
Руски воени бродови впловија во Црвено Море