Во Куманово лани собрани над 2.700 крвни единици
Во Куманово минатата година се собрани 2.763 крвни единици во 39 крводарителски акции, што е зголемување за 290 крвни единици во однос на 2015 година, информираат денеска од Црвениот крст.
Според Ива Младеновска од општинската организација на Црвениот крст, тие се задоволни од бројот на крводарувања минатата година, особено ако се спореди со пред пет-шест години кога бројот на собрани единици е околу 1.800.
Благ пораст на бројот на крводарувања лани се забележува во одделението за трансфузиона медицина во Куманово, кое беше реновирано. Таму, според информациите на кумановскиот Црвен Крст, крв даруваат најчесто редовните крводарители.
Граѓаните се повеќе се свесни за хуманиот аспект од крводарувањето, што според Младеновска се должи на континуираните апели на организацијата за вклучување во акциите, одличната соработка со Институтот за трансфузиона медицина и поддршката од медиумите.
Годинава планирано е да се одржат околу четириесетина крводарителски акции, со граѓански здруженија, средни училишта, во јавни институции и установи и приватни компании. Во втората половина на јануари, најавија од кумановскиот Црвен крст ќе се одржат две крводарителски акции во граѓански здруженија.
Ново на Сител
-
Фриленсерството во Македонија - Предности и маани
-
Започна церемонијата за потпишување на Кодекс за фер и демократски парламентрани избори
-
Специјализантите незадоволни продолжуваат со штрајкот
-
100 болни и изнемоштени лица во Штип се пријавиле за гласање во домашни услови
-
Костадиновска Стојчевска ќе ја тужи Арсовска
-
Преглед на вестите од светот
-
Меѓаши: Сериозно е нарушена психолошка состојба на децата
-
Со исказ на сведоци денеска продолжи судењето за Пендиков