Во Куманово до 17 часот гласале 29,65 проценти од избирачите

Вкупно 29,65 проценти е излезеноста во Куманово до 17 часот, информираа од Општинската изборна комисија. За референдумот право на глас имаат 92.560 гласачи кои гласаат 167 избирачки места. 

Во Липково одѕивот е 41,56 проценти, соопшти претседателот на ОИК, Лирим Јашари. Право на глас на референдумот во оваа општина имаат 25.200 лица кои гласаат на 36 избирачки места.

Во општина Старо Нагоричане излезноста до 17 часот е 16,18 проценти, соопшти претседателот на ОИК, Драган Јовановски, Во оваа општина право на глас за референдумот имаат 3.363 гласачи, а гласаат на 38 избирачки места.