Балкан
10. March 2016 - 12:56

Во Косовскиот Парламент повторно пуштен солзавец

Седницата на косовскиот Парламент денеска е прекината и пред да почне, откако пратеници од редовите на опозицијата повторно активираа солзавец. 

Прогласена е пауза, а во зградата на Парламентот е зајакнато присуството на полицијата.

Косовската парламентарна криза трае подолго од шест месеци, поради тоа што три партии од опозицијата се противат на формирањето на Заедницата на српските општини, како и на спогодбата за демарација со Црна Гора.

Опозицијата се противеше и на изборот на Хашим Тачи за претседател на Косово, но не успеа да го спречи неговиот избор. Тачи беше избран во третиот круг, а во салата беше присутен само пратеникот на радикалното опозициско движење Самоопределување, Иљир Деда.