Во кочанскиот регион големи штети од пролетниот мраз
Пролетниот мраз направи големи штети на лозовите и овошните насади и во кочанско. Комисиите за проценка на штетите на земјоделските култури во општината веќе втор ден се на терен за да направат увид на штетите од пролетниот мраз на лозовите и овошните насади.
Раководителот на подрачната единица на Министерството за земјоделство, шумарство и водостопанство, Јордан Димитров изјави дека земјоделците и од Кочанско, како и од општините Зрновци и Чешиново Облешево имаат претрпено големи штети.
- Се работи за оштетувања кај овошните и лозови насади, кај кои штетата е 100 проценти. Од мразот штети претрпеа и вишните, сливите, јаболките, крушите, смоквите и калинките. Земјоделците од кочанскиот регион масовно пријавуваат штети во нашата подрачна единица, вели Димитров.
Тој информираше дека земјоделците од трите општини во кочанскиот регион штетите од мразот можат да ги пријавуваат до 15 мај, по што ќе се знае целосно претрпената штета по насади и површина. Потребно е да се достават пријави, трансакциска смета, имотен лист или договор за закуп.
Ново на Сител
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас
-
Преглед на вестите од светот
-
Последен работен ден за пратениците од овој состав
-
Информативен ден на НАТО програмата „наука за мир и безбедност“
-
Мисија на УНЕСКО во Охрид