Во Кина уапсени лекари кои краделе и препродавале органи од жртви на сообраќајни несреќи
Шест лица, главно лекари, денеска се уапсени во Кина заради кражба на органи од починати пациенти, јавија локалните медиуми.
Криминалната група ги излажала семејствата на починатите, кажувајќи им дека ги користеле нивните органи за да им помогнат на болни на кои им е потребна трансплантација на органи, соопшти Би-Би-Си
Истрагата утврдила дека меѓу 2017 и 2018 година тие отстраниле црн дроб и бубрези од 11 лица во болниците во провинцијата Анхуи.
Во Кина има многу лица кои се наоѓаат на списоци за чекање органи, и на државата и е тешко да најде доброволни донори, додава Би-Би-Си.
Според локалните медиуми, со трговијата со органи се занимавале четворица високи позиционирани лекари, кои работеле во оддели за донирање органи во болниците.
Тие главно краделе органи од жртви на сообраќајни несреќи, кои имале сериозни повреди на мозокот, додека другите органи им останале неоштетени. Потоа шефот на Оделот за интензивна нега, доаѓал кај семејствата и ги прашал дали се согласуваат да ги донираат органите на починатиот, на што некои семејства дале писмена согласност.
Телата на починатите потоа во текот на ноќни часови биле изнесувани од болниците и биле ставени во комбе, што било префарбано во брза помош, а потоа на непознати локации им биле вадени органите и подоцна во тајност им биле продавани на поединци или болници.
Криминалната група била откриена кога синот на една од жртвите се посомневал во сервираната приказна.
Ново на Сител
-
Почина пејачот Ѓоко Дончев
-
Приведен беровчанец кој лажел дека е грабнат за да земе 10.000 евра од својот татко
-
Лишен од слобода угостител од Тетово кој не ги почитувал мерките за спречување на Ковид- 19
-
На инфективните одделенија во земјава се лекуваат 391 пациент, слободни кревети има
-
Борис Тунџев: Капиталните инвестиции во 2021 година за 20 отсто поголеми од лани
-
Во ковид центрите во Скопје за 24 часа се хоспитализирани 22 пациенти, а вкупно се лекуваaт 279
-
Пендаровски: Бајден има лични релации со регионот, очекуваме посилен ангажман на новата администрација на САД
-
Во Србија пристигнаа милион дози од кинеската вакцина „Синофарм“