Во Кина пронајден праисториски глушец 2,5 пати поголем од денешните
Остатоци од добро сочуван „џиновски глушец”, современик на диносаурусите во мезозојската ера, се откриени во камен североисточна Кина.
Глодачот Jeholbaatar kielanae, што живеел пред најмалку 65 милиони години, тежел 50 грама и бил 2,5 пати поголем од денешните свои роднини. Надворешно личи на нив, ама денешно глувче, просечно тежи 19 грама, истакнува палеонтологот Јуанкинг Ванг од Институтот за палеонтологија и палеоантропологија на ’рбетници во Пекинг.
Тој, исто така смета дека праисторискиот глушец имал силно развиен слух, што го штител од ловот на диносаурусите во тој период.
– Врз основа на обликот на долниот образ, глувчето јадело сè – црви, членконоги и растенија. Имало јасно изразено движење на вилицата при џвакање, додава Ванг.
Палеонтолозите во наоѓалиштето во провинцијата Лијаонинг претходно нашле и остатоци на диносауруси, праисториски цицачи, птици и инсекти, од кои некои успеале да го преживеат метеоритот што ги истребил диносаурусите пред 65 милиони години. Некои исчезнале пред 34 милиони години, отстапувајќи им го местото на подоцнежните примати, копитари, глодачи и други ’рбетници.
Ново на Сител
-
ВМРО-ДПМНЕ: Обработени 13,44% од гласовите - Силјановска Давкова 109.692, Пендаровски 48.553
-
Тошковски и Бојмацалиев: Граѓаните гласаа за избор на Претседател на државата, во мирна, безбедна и демократска атмосфера
-
ВМРО-ДПМНЕ: Од обработени 8,21% Силјановска Давкова 66.482, Пендаровски 28.490
-
Ѓорчев: На 15% на ниво на Македонија Силјановска Давкова 43.466, Пендаровски 18.213
-
ЈО: До затворање на избирачките места не е пристигната ниту една пријава за кривично дело поврзано со изборите
-
Три случаи на фотографирање и два случаи на кинење на гласачкото ливче, соопштува МВР
-
Муцунски: Овој ден е почеток на крајот на оваа власт
-
48% од гласачите гласале до 18.30 часот