Во Кичево минатата година собрани 869 крвни единици

На територијата на општина Кичево минатата година беа собрани 869 крвни единици во 17 крводарителски акции во повеќе институции и организации, организирани од страна на општинскиот Црвен крст и Институтот за трансфузиологија.

Според Ивана Лазеска од Црвен крст-Кичево, во споредба со минатата година, во 2015 биле собрани 922 крвни единици, односно за 53 крводарувања повеќе од 2016 година, што значи благ пад на крводарувањата во 2016 во однос на 2015 година.

Со годишниот план кој го подготвуваат Црвен крст-Кичево и Институтот за трансфузиона медицина, по бројот на население предвидено е да се соберат од 1.300 до 1.500 крвни единици годишно односно 3 проценти од вкупниот број на население кое живее на територијата на општина Кичево.

Најчеста крвна група на овие акции е А позитив, додека најретка е АБ, потенцира Лазеска.

Интересот на граѓаните е на задоволително ниво, додека бројот на нови крводарувања од страна на млади лица е во нагорна линија, вели таа.