Во Кавадарци изложба на фотографии поврзани со скопскиот земјотрес од јули 1963 година
Во Кавадарци денеска беше отворена изложба на фотографии поврзани со скопскиот земјотрес од 26 јули 1963 година, во организација на Музеј на град Скопје и во соработка со локалната музеј галерија и кавадаречката локална самоуправа.
Директорката на кавадаречкиот Музеј, Весна Ѓорѓиева појасни дека се презентираат стотина фотографии и разгледници на 30 паноа, на 56-годишнината од катастрофалниот земјотрес. Ова е една од четирите изложби на Музејот на град Скопје посветени токму на земјотресот и е насловена ,,Скршениот град”.
Куратори на изложбата се Јасминка Намичева, кустос-советник и архитект и Зоја Богданоска, историчар при Музеј на град Скопје. Намичева потсети дека проектот ,,Museum link” досега има донесено неколку изложби во Кавадарци, заедно со локалната музеј галерија. Таа изрази благодарност за соработката и рече дека така ќе продолжи и во иднина со интересни содржини.
– Музејот на град Скопје е всушност споменик на земјотресот. Секој 26 јули ние подготвуваме нова концепција за некоја нова изложбена тема. Изложбава е составена од принтови од оригинални разгледници кои биле отпечатени по земјотресот, рече таа.
Идејата била да се прикаже што значи културната меморија која сите ја носиме за одредени нешта и колку е таа значајна за градењето на сликата за еден град.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп