Во Калифорнија и натаму беснеат три големи шумски пожари
Три големи шумски пожари се уште беснеат во Калифорнија, а се предизвикани од рекордно високите температури во овој западен дел на САД.
Пожарникарите не се во можност да го изгаснат пожарот во централна Калифорнија, во округот Фресно. Огнот продолжува да се шири поради многу високите температури, зафаќајќи речиси 79.000 хектари, а истрагата за причините за пожарот се уште е во тек.
Британските медиуми наведуваат дека локалните власти во областа Мадеира издале наредба за евакуација на граѓаните.
Пожарот во областа Сан Бернандино беснееше и во текот на ноќта, но до утринава неговиот интензитет се намали за седум проценти, потврдија властите.
Во националниот парк Кливленд се испратени околу 400 пожарникари во гаснењето на пожарот, што зафати над 10.000 ари, но засега неговиот интензитет е намален за само еден процент. Локалните власти издале повеќе наредби за евакуација и најавиле употреба на воени авиони за гаснење на огнот.
Гувернерот на Калифорнија, Гавин Њусом, синоќа прогласи вонредна состојба во областите Фресно, Мадеира, Марипоса, Сан Бернардино и Сан Диего.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка