Во Каиро пронајдено телото на исчезнат италијански студент
Телото на еден италијански студент, кој исчезна минатиот месец во Египет, е пронајдено во Каиро, соопшти денеска египетската полиција.
Џулио Реџени (28) беше прогласен за исчезнат на 25 јануари, откако излегол од својот дом во каирското предградие Гиза, за да се сретне со еден свој пријател, но никогаш не стигнал на средбата.
Неговото мртво тело е откриено на периферијата од египетскиот главен град, полуголо и со траги од тортура.
Египетскиот државен обвинител Ахмед Наги изјави дека дека на телото на Италијанецот имало траги од тепање, посекотини од нож, како и рани од изгореници направени со цигара.
Реџени (28) е дипломец од Одделот за меѓународни студии на Универзитетот во Кембриџ, но бил ангажиран како визитинг-предавач на Американскиот универзитет во Каиро.
На пријателот му јавил дека ќе дојде од Гиза со метро до центарот на градот.
На 25 јануари во египетскиот главен град имаше значително повеќе полицајци и безбедносни сили од обично, затоа што се навршуваа пет години од соборувањето на поранешниот претседател Хосни Мубарак.
Полицијата стравуваше од немири на иламистите, па беа претресени дури пет илјади домови за да се откријат потенцијалните потикнувачи на немири на улиците.
Местото каде Реџени требало да се сретне со пријателот е сосема блиску до плоштадот Тахрир, што се смета за симболичен центар на бунтот што го предизвика соборувањето на Мубарак.
Египетската полиција се уште не знае што е причината за смрта на Италијанецот, но се верува дека станува збор за „бавна смрт“.
Италијанското Министерство за надворашни работи побара од властите во Каиро „целосно разјаснување“ на случајот со студентот Џулио Реџени.
Ново на Сител
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО
-
Кампањата на Бајден продолжува да го користи ТикТок иако тој потпиша нацрт-закон за забрана на апликацијата
-
Повеќе скопски општини без струја
-
ОБСЕ/ОДИХР ќе ги соопшти првичните оценки за изборите
-
30 години Тинекс