Во Јемен прогласена вонредна состојба поради епидемија на колера
Хусите во Јемен прогласија вонредна состојба со цел борба против епидемијата на колера, која е распространета во подрачјата што тие ги држат под контрола, јави агенцијата Анадолија.
Новинската агенција „Саба“, која е поврзана со Хусите, јави дека Таха ел Мутевекил, кој ја врши функцијата министер за здравство во формираната Влада, соопштил оти е прогласена вонредна состојба, со цел борба против епидемијата на колера во подрачјата што ги држат под контрола.
Во саботата Хусите донесоа одлука за затворање на кантините во сите училишта во Сана, со цел борба против колерата, потсетува Анадолија.
Според соопштение на Герт Капелаере, директор на УНИЦЕФ за Средниот Исток и Северна Африка, и Ахмед ел Манзури, директор за Источен Медитеран на Светската здравствена организација (СЗО), од почетокот на 2019 година досега забележан е голем раст на случаите на колера во Јемен, каде што заклучно со 17 март биле регистрирани 109.000 болни, од кои 190 лица го загубија својот живот.
Според ОН, во Јемен, земјата во која се случува една од најголемите хуманитарни кризи во светот, има над 22 милиони лица на кои итно им е неопходна хуманитарна помош и заштита.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња