Свет
9. May 2021 - 16:22

Во Израел има помалку од 1.000 активни случаи на заразени со Ковид-19

Помалку од илјада се активните случаи на зарзени со Ковид-19 во Израел нешто што се случува првпат од март минатата година. Тоа го објави денеска израелскиот министер за здравство Јули Еделштајн.

Во пикот на епидемијата имаше и по повеќе од 70.000 заразени неведе тој на Твитер.

Во изминатата недела бројот на тешко болните од Ковид-19 во Израел беше под 100. Според него, тоа се должи на успехот на кампањата за вакцинација во државата.

Во изминатите 24 часа се регистрирани само 17 нови случаи. Тоа е 0,2 отсто позитивни тестови од вкупно над 11.500. Досега над 5,4 милиони луѓе или речиси 60 отсто од населението во државата ја примиле првата доза од вакцината на Фајзер/Бионтех, додека околу 5,1 милиони се со две дози примени вакцини.