Во Италија во последниот месец најмал број на починати и новозаразени од коронавирусот
Бројот на новозаразените во Италија е 3.047, што е најмалку на дневно ниво за повеќе од еден месец.
Заразата со коронавирус е потврдена во Италија кај 178.972 лица, од кои починаа 23.660. Повеќе смртни случаи од последиците од коронавирусот имаат само Соединетите Американски Држави, каде што има над 40.000 мртви, според официјалните бројки.
Италијанските власти проценуваат дека официјалниот број на заразени и починати од болеста ковид-19 е многу поголем од реалниот поради недостиг од сеопфатно тестирање.
Притисокот на преоптоварениот здравствен систем на Италија продолжи да опаѓа. Денес повторно е намален бројот на зафатени кревети во единиците за интензивна нега на италијанските болници, од 2.733 на 2.635.
Во болниците има 25.033 лица, 26 помалку од вчера.
Властите почнаа да размислуваат за ублажување на строгите забрани за движење, продолжени до 3 мај.
Заразата со коронавирусот во светот е потврдена кај над 2.400.000 луѓе, од кои повеќе од 165.000 починале.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација