Во Италија четврти ден по ред паѓа бројот на заболени од коронавирус
Бројот на новозаразени со корона вирусот во Италија паѓа веќе четврти ден по ред, што укажува на стабилизирање на кризата.
Размерите на епидемијата во Италија е најлоша во светот. Таму сега има над 57.000 активни случаи.
Сепак, од рекордните 4.821 нови случаи во саботата, бројката е 3.957 во неделата, 3.780 во понеделникот, 3.612 во вторникот и 3.491 во средата.
„Очигледно сме во фаза на стабилизација на инфекцијата“, рече официјалниот претставник за цивилна заштита, Агостино Миоцо.
„Ако сакаме кривата на епидемијата да се стабилизира, а потоа да почнеме да паѓаме, апсолутно е суштинско да се одржи социјалната дистанца“, додаде тој.
Сепак, бројот на смртни случаи сè уште е голем. Вчера починале 683 лица, со што вкупниот број на жртви достигна 7.503.
Вкупно закрепнати се 9.362 лица, а бројот на пациенти на интензивна нега, кој внимателно се следи заради недостаток на кревети, денес е зголемен за само 2,9 проценти на 3.489 пациенти.
Епидемијата е концентрирана во Ломбардија, но сè повеќе постои загриженост дека ескалацијата може да се случи на југот, особено ако не се почитуваат строгите мерки.
„Следните десет дена тука ќе бидат пекол. Ние сме на работ на драматично ширење на заразата“, рече претседателот на регионот Кампанија, Виченцо де Лука.
Во Кампанија се наоѓа густо населениот Неапол. Градоначалникот на градот ја обвинува владата дека не успеала да обезбеди основна опрема како што се респиратори, маски и други медицински материјали потребни за да се избегне „трагедија“ во регионот.
Цела Италија е во карантин, што официјално истекува на 3 април, но дури и ако бројот на нови заразени продолжи да опаѓа, скоро никој не очекува дека наскоро ќе бидат укинати ригорозните мерки за движење.
Ново на Сител
-
ВМРО-ДПМНЕ ја официјализира својата коалиција
-
Еко акција во Прилеп
-
Штипска фирма доби забрана за работа поради загадување
-
Преглед на вести од светот
-
Предизборно финале - партиите ги финализираат листите
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите