Во Хрватска запленети над 170 килограми марихуана
Полицијата во хравтскиот град Карловац денеска соопшти дека запленила 170,6 килограми марихуана и уапсила еден хрватски и еден српски државјанин, кои дрогата ја пренесувале со камион.
Освен марихуаната, во камионот биле пронајдени и два пиштола со муниција.
Началникот на криминалистичката полиција на Полициската управа во Карловац, Романо Бенковиќ изјави дека и хрватскиот и српскиот државјанин, од претходно и биле познати на полицијата.
Тој прецизира дека 44-годишниот возач и 47-годишниот совозач биле уапсени на излезот од автопатот Ријека-Карловац и додаде дека во текот на денот, покрај кривичната пријава, двајцата приведен ќе бидат изведени на сослушување пред обвинителството.
Бенковиќ објасни дека нелегалната стока била спакувана во градежен стиропор во отворен простор за складирање во товарното возило и дека полицијата извршила претрес откако се посомневала дека станува збор за криминал.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп