Во Грција заглавени околу 20 илјади бегалци и мигранти
Во моментов во Грција има околу 20.000 заглавени бегалци и мигранти, додека нивниот број на граничниот премин Идомени со Македонија алармантно се зголемува и приемниот камп го достигна својот капацитет, објави грчкото Министерство за миграциска политика.
Според Министерството, центрите за прием во Атика се преполни. Вкупно 2.000 луѓе во моментов престојуваат во кампот поставен во поранешните олимписки објекти во Елинико, 1.200 во центарот во Елеонас, 1.200 во Схисто и 1.150 чекаат на пристаништето Пиреја. Денеска во Пиреја пристигнале уште 437 мигранти. Во центарот за прием во Диавата, Солун, има 2.000 мигранти и бегалци.
Во Идомени, каде што нема повеќе слободен простор, има 4.000 луѓе кои чекаат да влезат во Македонија, додека на бензинска станица во Поликастро, чекаат уште 1.500 мигранти. Во меѓувреме, десетици бегалци пеш се упатуваат кон Идомени, јави дописникот на МИА од Атина.
Во исто време, на грчките острови во Егејското Море продолжуваат да пристигнуваат се повеќе бегалци и мигранти. На Родос, Кастелоризо, Лерос и Кос има 482 бегалци и мигранти, од Лезбос чекаат да заминат на копно 1.766 луѓе, а 498 чекаат регистрација на Хиос.
Повеќе илјади мигранти и бегалци нашле засолниште во различни градови низ Грција по должината на трасата кон север, и се сместени во кампови и затворени спортски сали.
Многумина од нив ги игнорираат советите на полицијата и пеш се упатуваат кон граничниот премин Идомени, па така по должината на автопатот Игнација се забележуваат стотици бегалци и мигранти кои со своите семејства се обидуваат што поблиску да стигнат до границата, а потоа и до нивната крајна дестинација.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка