Во Грција уловена опасна риба, чиј отров може да убие 30 луѓе
Во Грција беше уловена опасна риба, чиј отров може да убие 30 луѓе, објави електронското издание на грчкиот весник „Прото тема".
Рибата е фатена на островот Крит и е од видот лагокефал (Lagocephalus sceleratus). Уловениот примерок е со големина од околу половина метар, пренесува БТА.
Лагокефалот, кој се среќава источно од островот Крит, но и во други области на Грција, е вториот најтоксичен животински примерок на планетата. Тој е исклучителен предатор, претставува голема закана за екосистемот и е многу опасен за луѓето.
Рибата има отров што може да убие 30 луѓе и нема познат противотров.
Лагокефалот се среќава главно во Индискиот и Тихиот Океан. Во 2003 година, сепак се појави во Медитеранот и Егејското Море.
Доколку се конзумира пред да се отстрани делот каде е отровот тетродотоксин, може да предизвика респираторни нарушувања, проблеми во моторниот систем, мускулна парализа, па дури и смрт.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање