Во Гевгелиско нема ученици со намалено поведение поради протестите
Информациите од иницијативата „Учебници и настава мора да има“, според кои во неколку градови во земјава, меѓу кои и Гевгелија, имало ученици со намалено поведение поради учество во протестите против дигиталните учебници, гевгелискиот градоначалник Сашо Поцков ги оцени како лажни вести.
-Најодговорно тврдам дека ниту еден ученик од основните училишта во општина Гевгелија нема намалено поведение на крајот од учебната година поради учество на протестите, а ако кај некој ученик има тоа е само поради изостаноци од електронската настава, рече Поцков.
Покрај сите потешкотии низ кои поминаа учениците и наставниот кадар во услови на пандемијата од Ковид-19, Поцков ја оцени како успешна завршената учебна година и изрази надеж дека наредната ќе биде сигурно подобра.
Најави дека на следната седница на општинскиот Совет, која треба да се одржи на 28 јуни, со ребаланс на буџетот ќе бидат обезбедени средства за набавка на електронски помагала, иако, рече дека лично сакал учениците да се вратат во своите училници доколку дозволат епидемиолошките услови.
Ново на Сител
-
Излезноста до 11 часот на избирачките места во Кочанско е околу 13 отсто
-
Сончево, попладне со услови за краткотраен дожд
-
Излезноста до 11 часот е 12.78 отсто
-
Платил преку интернет 21 илјада евра за роба која не стигнала, измамен тетовец
-
79-годишен дедо нападнал полицаец во Куманово
-
Грк починал во битолско казино
-
Во Штип на гласање до 9 часот излегле 5,27 отсто од гласачите
-
Излезноста до 9 часот во Општина Тетово е 3,2 отсто