Македонија
31. October 2015 - 13:58

Во Гевгелија изложба „Природата во урбан контекст“

Во организација на мултимедија центарот од Гевгелија вечер во ликовната галерија „Амам“ ќе биде отворена изложбата „Природата во урбан контекст“.

Според организаторите, на изложбата ќе се претстават 11 гевгелиски уметници, членови на Друштвото на ликовни уметници, меѓу кои Дамјан Ѓуров со графика и скулптура,Ирена Пејовиќ со видео перформанс, Мирјана Крстева Массети со слика акрил на платно, Катерина Чугунска со цртеж, Габриела Страхурска Гошева со слика масло на платно, Перо Кованцалиев со скулптура, Вангел Срнаков со слики масло на панел, Оливера Томиќ со фото манипулации, Горан Јованов со графика во комбинирана техника, Златица Илин со фотографија и Стефчо Стефанов со перформанс.

Проектот на „Мултимедија“ центарот од Гевгелија е финансиски подржан од Министерството за култура на Република Македонија и од општина Гевгелија.