Свет
28. December 2016 - 15:52

Во Германија уапсен можен соучесник на Анис Амри

Германското јавно обвинителство денеска објави дека во Германија е уапсено лице што контактирало со Тунижанинот Анис Амри кој што минатиот понеделник со камион влета во бозикен панаѓур и уби 12 луѓе, јавува дописникот на МИА од Берлин.

Според германскиот печат се работи за туниски државјанин на возраст од 40 години кој бил во контакт со Амри.

Според медиумите лицето е уапсено на поранешниот аеродром Темпелхоф кој што сега служи како сместувалиште за бегалци. Во соопштение за јавнот германското јавно обвинителство вели дека во телефонот на Амри бил пронајден бројот на засега неидентификуваниот туниски државјанин за кого истрагата утврдила дека најверојатно бил поврзан со терористичкиот напад.