Во Франција протести поради ковид пасошите и вакцинацијата

Во Франција повторно протести поради така наречените здравствените ковид пропусници.

Во неколку градови граѓаните седма сабота по ред излегоа на улица за да го изразат своето незадоволство. Само вчера имало околу 200 собири од кои 4 биле во Париз. Демонстрантите се и против вакцинацијата. Фанцуското Министерство за внатрешни соопшти дека вчера протестирале околу 158 000 граѓани.

Инаку, здравствена пропусница се издава на лица кои примиле 2 дози вакцина, го имаат прележано вирусот или имаат негативен ПЦР тест, документи кои се неопходни за влез во угостителски објекит, музеи, спортски и културни настани.

Во Франција околу 73 проценти од населението е вакцинирано најмалку со една доза.