Во Еритреја за 25 години во ропска положба околу 400 илјади луѓе
Владата на Еритреја е виновна за злосторства против човештвото во период од прогласувањето на независноста, пред 25 години, поради ставање на 400 илјади лица во ропска положба и затоа би морала да се соочи со меѓународната правда, соопштија денеска Обединетите нации.
Истражна комисија на ОН за човековите права наведува дека еритрејската Влада на претседателот Исајас Афверкиј, која е на власт од 1991 година, е виновна за систематското поробување, присилната регрутација и други форми за злоупотребување.
- Според нашата проценка меѓу 300 и 400 илјади луѓе се поробени, изјави главниот иследник Мајк Смит во Женева,
Според ОН околу пет илјади жители на Еритреја месечно ги ризикуваат животите во обид да ја напуштат земјата, каде поради присилна мобилизација во униформа можат да поминат децении.
- Многу малку Еритрејци се ослободени од задолжително служење на воен рок, рече Смит.
Во извештајот ОН бара и извршителите да бидат изведени пред Меѓународниот кривичен суд во Хаг.
- Злосторства против човештвото се вршени масовно и систематски во еритрејските објекти за притвор, воените кампови за обука и други локации ширум земјата во изминатите 25 години, се наведува во извештајот.
На почетокот на 1991 година, кога се случи отцепувањето на Еритреја од Етиопија, почна војна, која трае веќе три децении.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.