Во експлозиите во Анкара најмалку 30 мртви
Најмалку 30 лица загинаа и 126 се повредени во денешните експлозии во Анкара, соопшти турското Министерство за внатрешни работи.
„Според податоците со кои располагаме засега, 30 лица загинале, а 126 наши граѓани се повредени. Ранетите се одведени на лекување во различни болници во градот“, се наведува во соопштението од Министерството, цитирано од ТАСС.
Претставници на турската Влада експлозиите ги оценија како терористички акт, јави ДПА.
Истражен тим смета дека за експлозиите, кои се случија утрово околу 10 часот во центарот на Анкара, одговорен е бомбаш-самоубиец.
Од Владата на Република Турција соопштеное е дека премиерот Ахмет Давутоглу закажал вонреден состанок, кој почнал во 12 часот по локално време, јавува Анадолија. На состанокот присуствуваат претставници од министерството за правда и внатрешни работи, шефот на турската полиција, шефот на разузнавачката служба и гувернерот на Анкара Мехмет Киличлар.
Во меѓувреме, генералниот секретар на Советот на Европа Торбјорн Јагланд го осуди нападот кој се случи утрово во Анкара, пред планираниот мировен марш, во знак на протест против судирите меѓу државата и курдските милитанти.
- Утринските вести од Анкара се шокирачки и вознемирувачки. Тоа што се случи е суров и варварски напад на мирните демонстранти. Сакам да изразам сочуство за сите кои изгубиле пријатели и сакани во нападот. Слободата на собирање и слободата на изразување се основните столбови на дмеократијата, истакна Јагланд.
Ново на Сител
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон