Балкан
12. October 2021 - 19:05

Во Драч запленети над 10 килограми кокаин, скриени во контејнери со банани

Во најголемото албанско пристаниште Драч, откриена и запленета е нова количина на кокаин, во контејнер со банани нарачка за компанијата „Alba Exotic Fruit” од Тирана.

Полицијата информираше дека била извршена детална контрола во два од контејнерите натоварени со банани, кои пристигнале од Еквадор, во име на споменатата компанија.

„Како резултат на деталната контрола, во последниот дел, на капаците на моторите за ладење во двата контејнера, пронајдена и запленета е количина од 10 килограми и 185 грама сомнителна наркотична супстанција кокаин“, објави полицијата.

Се додава дека ова е последователна количина на кокаин откриена од властите во ова пристаниште а петта по ред во контејнери за спомената компанија.

Претходно, при контрола на контејнерисо банани, натоварени исто така во Еквадор, на 13-ти, 23-ти и 30 – ти јули и 7 септември беа откриени вкупно 34 килограми кокаин сите нарачка на компанијата „Alba Exotic Fruit”, чиј сопственик е во бегство а во притовор е менаџерот на компанијата.

Количина од 7 килограми кокаин беше откриен на 7 август во контејнер натоварен со морска храна исто така во Еквадор, во име на компанијата „Fish Co Tirana”. На 18 јуни беа запленети 324 килограми кокаин, во камион натоверен со железо со крајна дестинација Италија, со кој управувал Н.А. македонски државјанин.

Од март до сега, спорд полициски извори само во ова прстаниште запленети се над 1,5 тони кокаин.