Во делчевското село Град пронајдено јајце со форма на сонце
Јајце со форма на сонце во својата штала пронајде семејството Маркови од делчевското село Град.
Маркови чуваат живина, но досега не се случило кокошките да снесат вакво јајце.
-Кога отидов да ги соберам јајцата од кокошките, забележав дека едно од нив има форма на сонце. Ова е прв пат од моја кокошка да биде снесено вакво јајце. Ќе го чувам за спомен, рече Трајанка Маркова.
Како жителка на единственото село во Македонија кое го носи името Град, Маркова додава дека можеби појавата на ваквото јајце е поврзано со празникот Духовден кој во недела се слави како соборен ден во село Град.
-Не можам со сигурност да кажам дали јајцето со сончева форма има некаква врска со празникот, но знам дека оваа година поради коронавирусот и почитување на препораките, соборниот ден нема да се слави групно, како што беше изминатите години. Поради полицискиот час и оние што планирале да го одбележат денот Духовден сега нема да може да го сторат тоа. Јас нема да одам никаде, а порачувам и на луѓето да не доаѓаат, поради тоа што за време на соборниот ден ќе бидеме во карантин, истакна Маркова.
Таа и нејзиниот сопругот Благој, освен кокошки чуваат и кози, имаат млади јариња, мачки, кучиња и магаре.
Во селото Град моментално живеат околу стотина жители кои претежно егзистираат од земјоделство. Поради големиот број насади со сина слива, најзастапена гранка е овоштарството.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено