Во Делчево и Македонска Каменица ќе бидат засадени 17 илјади садници
На територијата на Делчево и Македонска Каменица во рамки на утрешната акција „Ден на дрвото“ ќе бидат засадени 17 илјади садници на површина од 6,5 хектари. Ќе бидат засадени и 4 илјади садници во урбаните средини во Делчево и Македонска Каменица.
Како што истакна Јордан Димитровски, директор на ПЕ на Македонски шуми, „Голак“ Делчево, на територјата на двете општини ќе се сади на две локации.
- Првата локација е на територијата на општина Македонска Каменица, во селото Дулица, во месноста Кузминец и тоа на површина од 3 хектари, каде е планирано да се посадат 7 илјади садници од багрем и бор. Додека во Делчево, ќе се сади на површина од 3,5 хектари кај селото Драмче, месноста Омар. Овде е планирано да се посадат 10 илјади садници, рече Димитровски.
Тој додаде дека во урбаниот дел на Делчево, покрај Кејот на Брегалница во потегот на спортската сала и тениските терени, планирано е да се посадат 2 илјади садници, чемпрес и јавор, а во индустрискиот дел на Македонска Каменица ќе се посадат 2 илјади садници од чемпрес, багрем и јавор.
Инаку, од расадникот на ПЕ „Голак“ Делчево за потребите на оваа акција се дистрибуирани над 30 илјади садници на чемпрес, багрем и бор до претпријатијата во Скопје за пошумување на обиколницата и во општина Ѓорче Петров.
Ново на Сител
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен