Балкан
29. July 2021 - 8:56

Во Црна Гора од Ковид-19 починаа две лица иако биле вакцинирани

 

Две лица кои беа целосно вакцинирани починаа во Црна Гора како резултат на коронавирусот, изјави вчера епидемиологот од Институтот за јавно здравје (ИЈЗ) Милена Поповиќ Самарџиќ.

Таа пред Комитетот за здравство, труд и социјална заштита истакна дека не испратиле лажни пораки дека вакцинацијата обезбедува стопроцентна заштита.
– Во некои групи, како што се постари лица со послаб имунитет, можеме да очекуваме недостаток на имунолошки одговор како во овие два случаи, посочи Поповиќ Самарџиќ.

Сепак, како што додаде таа, вакцинацијата обезбедува висок степен на заштита, над 90 проценти од потешка форма на болеста и фатален исход.

Таа наведе дека ИЈЗ верува дека делта сојот е веќе присутен во Црна Гора, кој покажува малку поголема отпорност на вакцините во споредба со другите соеви.