Во Британија започнува вакцинацијата со трета доза
– Во Велика Британија од денеска започнува вакцинацијата против Ковид 19 со трета доза.
Покани за трета вакцина ќе бидат испратени до околу 1,5 милиони луѓе во Англија. Овие акции се дел од програмата на британската Влада за подобрување на имунолошкиот систем на медицинските лица и најранливите Британци.
Министерот за здравство Саџид Џавид изјави дека бустер дозите се важен начин за контрола на коронавирусот пред почетокот на зимата.
Трета доза ќе им биде понудена на деветте приоритетни групи, кои вклучуваат здравствени и социјални работници, оние кои живеат и работат во домови за стари лица и речиси сите постари од 50 години. Исто така, трета доза ќе им биде понудена и на помладите луѓе кои спаѓаат во ризична група.
Оваа доза ќе им се даде само на оние кои ја примиле втората доза пред најмалку шест месеци.
Се препорачува третата доза биде од „Фајзер“, без оглед на претходната вакцина, но како алтернатива може да се користи половина од дозата на „Модерна“.
Во тек се кампањи за бустер вакцините во останатиот дел од Обединетото Кралство – Шкотска, Велс и Северна Ирска. Здравствените власти велат дека наскоро се очекува да започне вакцинацијата на децата на возраст од 12 до 15 години.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари