Во Битола почнува 35. издание на ликовната колонија „Мал битолски Монмартр“
Детското ликовно студио „Св.Кирил и Методиј“ од Битола ги пречека годинешните учесници на 35. издание на меѓународната детска ликовна колонија „Мал битолски Монмартр“ која вечер во Старата битолска чаршија ќе биде отворена со изложба и огномет.
Од денеска до 30 мај во Битола престојуваат ученици и нивните ликовни педагози од Словачка, Кина, Русија, Турција, Украина, Србија, Бугарија, Малезија, Романија, Полска, Индија, Египет, Тајланд и од Македонија.
- Во Битола освен светска изложба ќе има и хепенинг, а децата од светот ќе ги посетат и Охрид и Крушево. Вечерашното свечено отворање ќе биде во знакот на учениците од Спишска Бела, Словачка, кои се годинешни добитници на највиското одличје, наградата „Гран при“ истакна основачот на колонијата во овој град Коста Хаџиантоновски.
Според востановената традиција, на 29 мај децата од светот на плоштадот „Магнолија“ во Битола ќе цртаат на тема „Олимпијадата во очите на децата“, а најдобите ликовни творби ќе бидат претставени во олимпиското село на претстојните летни олимписки игри во Рио де Жанеиро. Изборот на најдобрите творби ќе го направи тим на Маѓународниот олимписки комитет-МОК од Лозана што во јуни ќе престојуваат во Битола, потврди Хаџиантоновски.
Меѓународната детска ликовна колонија „Мал битолски Монмартр“ годинава се реализира со поддршка на повеќе приватни компании од Битола и со финансиска поддршка на Министерството за култура и Министерството за образование.
Ново на Сител
-
Александар Ѓорчевски со нова жалба пред Врховен
-
Почина Велибор Џаровски - Џаро
-
Приведен тетовец баран со потерница
-
Ограбено тетовско казино, уапсени две лица
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та