Македонија
8. July 2019 - 10:28

Во Битола отворен фестивалот „Поетски синтези“

Со доделувањето на традиционалната награда „Поетска муза“ за најдобра интерпретација и стилска композиција на песна на хравтската поетеса Анѓелка Корчуланиќ за делото „Писмо до Никола Тесла“, синоќа во Битола почна меѓународниот фестивал „Поетски синтези“.

На Корчуланиќ и беше врачена и една од уметничките акварели на Сара Длака од Пула, чија изложба е поместена во „Магазата“ за време на фестивалот.

На свеченото отворање, под отворено небо во амбиенталниот простор „Магаза“ во центарот на градот, со избор поезија, меѓу другите, настапија петнаесетина поети од Германија, Хрватска и членови на ДПМ.

На вториот фестивалски ден во НУУБ „Св. Климент Охридски“ денеска ќе се одржи Симпозиум на тема: Поетското творештво на Петре М. Андреевски.

Тридневниот Поетски фестивал „Поетски синтези-2019“, годинава се одржува по 11-ти пат, во организација на  Здружението за наука и култура „Нова“ и НУУБ „Св. Климент Охридски“ од Битола.