Во Битола отворен фестивалот на народни песни и игри „Илинденски денови“
Со дефиле на фолклорни групи и друштва од државата и светот на Широк Сокак и со орото „Комитско“ кое се одигра на отворена сцена во поранешното ракометно игралиште, вечерва во Битола почна 49. издание на Републичкиот фестивал на народни песни и игри „Илинденски денови“. Фестивалот за отворен го прогласи потпретседателот на Собранието Горан Мисовски.
-За време на фестивалските денови преку своите песни и игри да ја пренесете универзалната порака на прифаќање и почитување на различностите. Вие сте вистински амбасадори на културата, им порача Мисовски на учесниците на Фестивалот.
Од името на градот учесниците на фестивалот ги поздрави градоначалничката Наташа Петровска, а во име на организаторот – директорката на НУ Центар за култура – Битола, Маја Андоновска Илијевски.
На петте фестивалски вечери ќе настапат играорци од три континенти кои ќе ги презентираат националната традиција, фолклорни богатства и култури.
Според програмата, вечерва ќе настапат КУД „Илинден“-Битола, ансамбл „Македонија“-Скопје, културно уметничките друштва „Ристо Донев учителот“-Штип, „Русалии“ од Секирник, „Јане Сандански“ од Неготино, „Китка“-Истибање и „Ибе Паликуќа“ од Скопје, а од странство на фестивалската сцена ќе се претстават гостите од Белгија, Индија, Израел и Мексико.
Ново на Сител
-
Во Брисел продолжува дијалогот меѓу Белград и Приштина за употребата на динарот во Косово
-
Американскиот Конгрес на 20 април ќе гласа за помошта за Украина и Израел
-
Избори во Хрватска: По преброени 98 отсто од гласовите - ХДЗ има 60, а СДП 42 пратенички мандати
-
Лидерите на ЕУ повикаа на борба против дезинформациите, манипулациите и странското мешање во изборните процеси
-
Сообраќајот по влажни коловози, одрон на патот Берово - Будинарци
-
Променливо облачно со повремен дожд, на планините и снег
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица