Во Битола одбележан Меѓународниот ден на детето
Центар за човекови права „Амос“-Битола, по 18-ти пат ги одбележа двата меѓународни настани, 19 ноември – Светски ден за превенција на детската злоупотреба и 20 ноември – Меѓународен ден на детето.
Годинава потсетивме на уште еден важен настан и јубилеј, а тоа е 30-годишнината од Конвенцијата за детските права, донесена во Обединетите Нации, истакна проф. д-р Сашо Кочанковски, претседател на Центар за човекови права „Амос“-Битола.
-Продолжуваме со традицијата. Овој пат на нашата покана се јавија повеќе од 240 деца од сите основни училишта во Битола, децата од Заводот за рехабилитација на деца со оштетен слух „Кочо Рацин“ Битола, како и деца од танцовите клубови и волонтери на Црвениот Крст Битола. Доделивме јавни благодарници затоа што секој кој придонесува за здраво детство, треба јавно да биде награден и ние тоа го направивме пред околу 600 присутни деца, нивни родители и наставници, рече меѓу другото Кочанковски на синоќешниот традиционален настан што се одржа во големата сала на НУ Центар за култура-Битола.
Уметничката програма посветена на Меѓународниот ден на детето, меѓудругите ја следеа и заменик народниот правобранител Лилјана Илиевска и претседателот на Советот на општина Битола Валентин Груевски.
Ново на Сител
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела