Македонија
3. October 2016 - 14:38

Во Битола инфо-сесија за проектни предлози за програмата ИПА

Министерството за локална самоуправа преку тим од оперативнтаа структура на ИПА програмата за прекугранична соработка на Република Македонија – Албанија 2014-2020 и Делегацијата на Европската унија, денеска во општина Битола, организираа информативна сесија за потенцијалните апликанти кои ќе се вклучат во првиот повик за поднесување проектни предлози во рамките на оваа програма.

Инфо-сесијата ја следеа претставници од повеќе институции, јавни претпријатија и граѓански организации од Пелагонискиот регион, а пред учесниците од страна на претставниците на Делегацијата на Европската унија во Република Македонија беше презентиран водич за поднесување на проектни предлози.

- Повикот е отворен и ќе заврши на 1. ноември, а проектните предлози можат да се поднесуваат во три области, и тоа поттикнувањње на туризмот и културното и природното наследство, подобрување на конкурентноста, економијата, трговијата и инвестициите, заштита на животната средина, унапредување на приспособувањето на климатските промени и миграцијата, заштита и управување со ризик. На располагање се 3 милиони евра, а за секој проект единечно може да се добијат од 200 до 400 илјади евра, истакнаа организаторите на денешниот промотивен настан во Битола.