Во Барселона протест за поддршка на уапсените каталонски лидери
- Во Барселона синоќа се одржа протест за поддршка на двајцата каталонски сепаратистички лидери, кои ја поддржуваат независноста на Шпанија.
Учесниците, чиј број достигна до околу 200.000 луѓе, побараа ослободување на Жорди Санчес и Жорди Куишарт, водачите на „Националното собрание на Каталонија“ и „Омниум култура“.
Тие се осомничени за поттикнување бунт.
Дел од присутните, преку палење свеќи, изразија солидарност и скандираа „не сте сами“ и „слобода“. Дел имаа транспаренти со натписи „Слобода за политичките затвореници“ и „Европа, помогнете ни“.
На митингот се придружија и претставници на каталонската регионална Влада, како и на Градското собрание на Барселона.
Претходно, регионалниот премиер Карлос Пуџдемон и градоначалникот Ада Колау, заедно со голем број луѓе, присуствуваа пред зградата на Градското собрание, додека учесниците држеа голем транспарент на кој пишува „Во заштита на правата и слободата“.
Слични демонстрации се одржаа и во други градови.
Регионалната Влада на Каталонија оцени дека одлуката на Врховниот суд на Шпанија за одредување притвор на каталонските сепаратистички лидери претставува „провокација од страна на шпанската држава“.
Според шпанското Обвинителство, Санчес и Куишарт на 20 септември организирале група демонстранти, кои неколку часа ги попречувале обидите на националната полиција за претрес на седиштето на каталонската Влада во Барселона.
По одлуката за притовор на Санчес и Куишарт, кои имаа клучна улога во подготовките и организацијата на референдумот за независност на Каталонија одржан на 1 октомври, кој властите во Мадрид го прогласија за противзаконски, во Барселона и претходно беа организирани протести во кои учесниците маршираа низ улиците удирајќи во тенџериња и тави.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка