Во Австрија и Словенија паѓал град со големина на јаболко

Исклучително силно невреме, кое вчера во доцните попладневни часови зафати делови од Австрија, во текот на ноќта погоди и поголем дел од Словенија, каде на повеќе места била причинета штета.

Биле предизвикани поплави, а некаде паѓал и град со големина на јаболко. Поради силниот налет на бурата, возачите на автомобили во некои подрачја побарале заштита под надвозниците.

Најголема штета, според досегашните информации, е причинета на подрачјето Домжале, каде пожарникарски служби добивале огромен број повици за помош.

Словенечкиот метеоролошки завод соопшти дека невремето е дел од студениот бран кој од Средна Европа се движи кон исток, проследен со поројни дождови и повремен град и силни ветрови.

Во вечерните часови се појавила локална нестабилност и во северозападниот дел од внатрешноста на Хрватска, за што е издадено жолто предупредување поради евентуални дождови и грмотевици на тоа подрачје.