Свет
21. јуни 2020 - 15:04

Во Австрија 18 новозаразени, Виена без нови случаи на Ковид-19 но и помалку тестирања

Во последните 24 часа во Австрија се регистрирани 18 нови случаи на заразени со коронавирусот, а за првпат во последните неколку недели, во Виена нема нови случаи.

Повеќето од новите случаи, седум, се регистрирани во Долна Австрија.

Во текот на изминатите 24 часа, бројот на смртни случаи се зголеми за два на вкупно 690 починати лица.

Вкупно, од почетокот на епидемијата на крајот на февруари, со коронавирусот се заразиле 17.248 австриски државјани, а излекувани се 16.119.

Во однос на тестирањето, во последните 24 часа биле тестирани само 2.376 луѓе, што е за над 3.700 помалку од претходниот ден.