Во Атина протест на рударите од канадската компанија „Елдорадо Голд“
Речиси 150 рудари од канадската компанија „Елдорадо Голд“ денеска протестираа пред зградата на грчкото Министерство за економија и развој во Атина, откако нивниот работодавач се заканил дека ќе ги прекине инвестициите во Грција.
Грчките рудари скандираа „Сименте ги рацете од рудникот“.
Мала група од нив се судри со грчката полиција и успеаа да влезе во зградата на Министерството. Полицијата употреби солзавец да ги одврати демонстрантите од влезот од институцијата.
Подоцна денеска ќе остварат средба претставници на демонстрантите и грчкиот министер за развој.
Канадската рударска компанија „Елдорадо Голд“, еден од најголемите странски инвеститори во Грција, соопшти во понеделникот дека планира да ги прекине инвестициите во земјата поради одложеното издавање на дозволи и лиценци од страна на грчката Влада.
Компанијата, каде работат над 2.000 лица во Грција, наведе дека прекинувањето на договорот ќе биде извршено во согласност со грчките закони.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари