Во Албанија заразени 110 деца со Ковид-19
Во Албанија, каде секојдневно се зголемува бројот на заразени со Ковид-19 и според последниот извештај на Министерството за здравство регистрирани се вкупно 2.752 случаи, не е мал бројот на заболени деца со коронавирус.
Од почетокот на епидемијата во земјата, со Ковид-19 се дијагностицирани 110 деца, а најмалото е едномесечно бебе. Од вкупната бројка околу 25 отсто од заразените деца се активни на болеста.
По вчерашниот негативен рекорд од 90 новозаразени во едно деноноќие, министерката за здравство Огерта Манастирлиу денеска предупреди дека меѓу новозаразените и оние кои болнички се лекуваат со тешки симптоми, се поголем е бројот на млади лица.
– Во Инфективната клиника меѓу хоспитализираните граѓани има млади луѓе кои се лекуваат од сериозни симптоми, предизвикани како резултат на Ковид-19, бидејќи вирусот не разликува возраст. Многу млади денес со чест контакт едни со други, без почитување на правилата, ја зголемуваат можноста за ширење на инфекцијата и ја пренесуваат на родителите, бабите и дедовците, ставајќи ги во сериозна опасност, напиша таа на Фејсбук.
Манастирлиу апелира дека „само со придонесот на младите луѓе, со преземање индивидуална одговорност во ова необично време, ширењето на опасниот коронавирус може да се намали“.
Ново на Сител
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка